Quarta-feira, 28 de Fevereiro de 2007
Miranda

Mil nuobe cientos i quarenta e cinco fui l anho de l seclo XX que mais se screbiu subre Miranda. Comemorában-se ls 400 anhos de la chubida a cidade i nien l Goberno nien la Propaganda oufecial, nien ls jornales deixórun d'aprobeitar essa data pa la eizaltaçon de l'ounidade nacional. Fui tamien l tiempo an que la lhéngua mirandesa mais apareciu an nes jornales. A miedo, ye cierto, cumo eisemplar ralo d'un "arrevesado dialecto" falado por ua giente stranha alhá de l fin l mundo, l que ye cierto ye la lhéngua s'apresentou, até cun algua proua, delantre de ls xefes de la naçon.

Quiero eiqui deixar alguas notínias i testos de ls jornales desse tiempo.

Primeiro de Janeiro, 11.7.1945

Por haver perdido a sua "certidão de idade" no redemoinho da "poeira do tempo - pois era mais velhina que a nossa nacionalidade - Miranda do Douro resolveu não mais errar na contagem dos anos da sua vida desde a sua elevação à categoria de cidade - faz hoje precisamente quatrocentos anos. (...)

Hastearam-se bandeiras, suspenderam-se festões floridos, entronizaram-se imagens nos nichos votivos, ergueram-se arcos triunfais, enfeitaram-se balcões e janelas de preciosas colgaduras de seda e, no harmonioso acompanhamento de bandas de música, de grupos de "gaiteiros" e de tunas rústicas, celebrou-se, ao dar da meia noite, o venturoso advento da comemoração festiva. (...)

E assim, pouco a pouco, à luz dum sol esplendente, foi-se reanimando o mais espectaculoso arraial de que há memória  nestas longínquas paragens do nordeste de Portugal, um arraial de festa rija ao qual vieram assistir, em representaçãon oficial do Governo, os srs. Ministro do Interior e Sub-Secretário da Assistência. (...)

Finda a sessão de boas-vinas, aqueles mebros do Governo assitiram do balcão central da "Domus Municipalis" a uma improvisada exibição dos mais afamados grupos de "pauliteiros", após o que o Sr Basílio Marcelino Rodrigues, de VilarSeco, proferiu, na sua característica "língua" mirandesa, uma entusiástica exortação em honra e louvor dos encantos naturais, das lendas e tradições e dos usos e costumes deste concelho, acentuando que a fala dos seus naturais deveria ser melhor acarinhada e até melhor compreendida como legítima voz dos portugueses do nordeste lusitano.



Scrito por António Bárbolo Alves às 12:02
Link de l post | Comentar | Acrecentar als faboritos

Segunda-feira, 26 de Fevereiro de 2007
Malhadas - II

Eiqui queda l fin de la stória.

Alhá fui chamado anton al tribunal, l tal pobre. Mas d'quilho preguntórun-le: "Tu...diç que... Nós nun bimos nada, nós só bimos alhi l home que staba abanandol canastro". Era l cochino mas futuraba un canastro porque tinha ua colcha por riba. An todo causo dórun parte del, i diç anton l juiç, anton l juiç para el, diç:

Bom, olha lá, tu nun sabes de que stás acusado neste tribunal?

Diç: "Nó". Diç. " Nun sei".

Bom, mas vou-te eu dizer porque estás acusado neste tribunal.

Olha, estás acusado neste tribunal porque diz que roubeste un cochino.

I diç-le l tiu, diç:

Nun roubei, senhor juiç. Diç: You cumprei l cochino onde l senhor juiç comprou l sou.

Stás absolbido. Bai-te ambora. 



Scrito por António Bárbolo Alves às 11:09
Link de l post | Comentar | Acrecentar als faboritos

Sexta-feira, 23 de Fevereiro de 2007
Malhadas

I eiqui queda un cachico de l registro de Malhadas, feito no die 8 de Febreiro de 1956. Fúrun anformantes Maria de Jesus A., de 76 anhos d’eidade i Albino V. das N., de 48.

 

– Olha, Albino, bamos para acabar l serano, bou-te a cuntar ua cunta.

– Bós direis.

– Olha, d’ua beç, d’ua beç iba un juiç a cabalho nun… an riba d’un carro, d’un altemoble, passando por an baixo d’un …d’uns carrascos. I habia un pobrezico. Mui pobre, mui pobre, cuitadico, tinha muito rapazico, i fui apanhar ua cesta de belhotras a un carrasco pa lo dar als meninos, alhá an casa als filhos cuitadicos.

I apuis, benindo l juiç an riba de l carro, que fai? An baixo, donde el staba habia ua bezeira grande de cochinos, ua bezeira grande, l juiç quei fai? Apanha-te un cochino i mete-lo no carro. I metendo l juiç l cochino no carro, dixo l tal pobrezico (…) “i l juiç lhebou un cochino, metiu-lo no carro, ls homes eiqui nun stan, metiu-lo no carro i scapou cun el, i you que bou a fazer? You bou a meter tamien outro.

(…)

Diç “a mi mais falta de fai qu’al juiç i l juiç lhebou-lo i you bou lheba-lo tamien”. I “bom” l pobrezico, que fai? Trai su cesta de belhotras i bai tangendo, bai tangendo l cochino, bai tangendo l cochino… Bibia n’ua punta de l lhugar, i bai mete l cochino na casa. Cuitadico, nun “tinha” nada que le dar a comer…

– I bai a chamar ls matancieiros soutro die!

– Matou-lo el i la mulhier! Matou-lo el i la mulher!

– Yá tinha las palhas ancasa pa l chamuscar?!

– Nun sei, el alhá s’arranjou el i la mulhier, nun dou parte a naide. Soutro die… soutro die aqueilhes bezinos bírun l chamuscado a la puorta, que fázen? “Olha, fulano matou l cochino, pus el nada cun que l comprar nun tenía. El denheiro nun tenía, nun tinha nada. Pus i (…) matou l cochino”. Que le fázen? Ban a las outeridades i acusórun-lo.

 

I por eiqui mos quedamos hoije. Mas habemos d’acabar la cunta que nun  queda por eiqui.



Scrito por António Bárbolo Alves às 12:20
Link de l post | Comentar | Acrecentar als faboritos

Quinta-feira, 22 de Fevereiro de 2007
Stórias i notícias de la Tierra de Miranda

Hai arrimado cinquenta anhos atrás passaba por eiqui un grande lhenguísta pertués, professor de l’Ounibersidade de Coimbra, José Herculano de Carvalho. Benie a saber de mais notícias subre la lhéngua mirandesa, apuis daqueilhas qu’habien dado Leite de Vasconcelos, Joseph Piel, António Mourinho i alguns outros. Registrou testos i bozes pelo menos nestas tierras: Paradela, Infainç, Peinha Branca, Malhadas, Bila Chana, Prado Gaton, Picuote, Pruoba, Zenízio i Dues Eigreijas. A partir destes materiales publicou l studo chamado  Fonologia Mirandesa.

Solo dous desses testos fúrun publicados, l de Paradela i l de Malhadas. Eiqui queda l de Paradela, registrado die 9 de Febreiro de 1956, i de que fúrun  anformantes Francisco dos R. D., de 47 anhos i José M. F., de 35.

 

 

– Sabes lo que me passou a mi l outro die?

– Puis tu dirás.

– Staba a la puorta sentado, passou-me un caso angraçado, home! I staba sentado a la puorta i tenía ua coroa de laranjas. Adepuis chegou un garoto alhi, un garoto lhatoneiro. I al tiempo que chegou you staba a zbulhar las laranjas cun la faca  i stragába-las algo, i l garoro que me dixo, diç assi:

– Mira, diç, olha que las stragas; diç, deixa que you t’ansino.

I you, claro, feito a la buona, agarrei ua laranja, i dei-la al garoto. L garoto agarrou , la laranja, mete-le ls dedos por na baixo i bóta-le ls outros por riba, dou-le meia bulta i deixou la laranja zbulhada. Al tiempo qu’agarrou na laranja mete-la na boca i diç-me asisi:

  Deixa acá ber outra que thei-de ansinar.

Digo:

  Nó, agora yá m’ansineste!

Agarrou i papou-me aqueilha i yá queria outra. Diç:

– Nó, pus agora yá nun quero saber mais, yá sei bastante.

Anton tu aquilho acheste-le grácia?

– Nun achei muita porque me comeu la laranja.



Scrito por António Bárbolo Alves às 10:28
Link de l post | Comentar | Acrecentar als faboritos

Quarta-feira, 21 de Fevereiro de 2007
Blog de la lhéngua mirandesa

Buonas tardes,

Este ye l blog de la lhéngua mirandesa!  Quien querga screbir an mirandés ou subre la Tierra de Miranda puode deixar eiqui la sue scrita.

Para quien nun saba screbir an mirandés, recomendamos la consulta de la Cumbençon Outográfica - http://ceamm.no.sapo.pt/convencao.pdf

Por hoije, i porque stamos an ne més de Febreiro, queda un adaige mirandés que diç assi:

An Febreiro, febras de nebro i nó de carneiro.



Scrito por António Bárbolo Alves às 15:14
Link de l post | Comentar | Ber comentairos (1) | Acrecentar als faboritos


Saber neste blog
 
Dezembro 2007
Dom
Seg
Ter
Qua
Qui
Sex
Sab

1

2
3
4
5
6
7
8

9
10
11
13
14
15

17
18
19
20
21
22

23
24
25
26
27
28
29

30
31


Últimos posts

Outro blogue

L sabor de las palabras

L cura i la criada

L nino Jasus de la Cartol...

L problema de las lhéngua...

L sermon (ua cunta)

Alguas nomeadas

Quadras populares

Folhetos

L populismo i l pobo

Arquibos

Dezembro 2007

Novembro 2007

Outubro 2007

Setembro 2007

Agosto 2007

Julho 2007

Junho 2007

Maio 2007

Abril 2007

Março 2007

Fevereiro 2007

blogs SAPO
subscrever feeds