Quarta-feira, 12 de Setembro de 2007
Por un plano de leitura, an mirandés

Por estes dies ampecará la scola. Astanho, cumo yá por eiqui screbi, l mirandés tenerá trés professores a ansinar mirandés. Cousa buona, sien dúbida, imbora l mirandés nun precise solo de ser ansinado als mais nuobos. Mas isso ye asusnto para outro die!... 

L assunto d'hoije  ye la leitura. Nua sociedade oural, cumo la mirandesa, isto até puode parecer que nun fai muito sentido. Mas nun ye assi. Por un lhado, quando falo an "leitura" stou a pensar an todos ls testos seian eilhes transmitidos por bia oural ou scrita. Uns i outros precísan de ser conhecidos, lidos i antendidos. Por outro lhado, nos nuossos dies, imbora l ouralidade, la palabra, tenga un papel amportante, ye la scrita que manda i contra isso nada podemos fazer.

Ora, ls testos, seian eilhes quales fúren i béngan eilhes donde béngan, solo ténen sentido ou ténen un sentido diferente, quando cumparados cun outros. Un testo solo, un libro solo, pouco bale. Ye precisa ua pequeinha biblioteca para que las cousas ampécen a tener mai(s) sentido(s).

La cultura mirandesa ten ls sous alheçanes nos testos ourales. Mas hoije an die yá ampeçamos a tener tamien ua pequeinha biblioteca de testos scritos. Ye preciso conhecer (ler) esses testos pois neilhes stan, cumo dixe, muitos de ls nuossos alheçanes eidentitários. Para isso, precisamos tamien d'un plano de leitura de ls testos mirandeses, que mos ansine a ler, que mos ansine a antender i a çcubrir aquilho que somos, para melhor sabermos para donde queremos ir. S'assi nun fur, als poucos, quedaremos ua sociedade de tartamudos, cun muitos problemas para comunicar porque la nuossa lhenguaige stará lhimitada a  alguas palabras que nun seran capazes de dezir aquilho que queremos i sentimos.

Nun ye solo la scola que ten esse papel. Las Bibliotecas, las Associaçones Culturales, las Famílias, ls Lares i Centros de Die, todos tenemos la respunsabilidade d'ansinar i de daprender.  Propongo, por isso, qu'astanho (2007/2008) sei l anho de la leitura an mirandés. Eiqui queda l zafio para quien querga ajuntar-se a  nós neste camino.



Scrito por António Bárbolo Alves às 11:11
Link de l post | Comentar | Acrecentar als faboritos
|

1 comentário:
De Tiêgui a 13 de Setembro de 2007 às 13:38
Si i haber se los comerciantes quemeçan ha screbir algo de Mirandês purque anté agora so bie cousas an Castelhano.
Até nin parece qual Mirandês yê lhiêngua ouficial an Miranda !!!

Al turista Spanholo, i pra mas se yê Sturiano, quier ber cousas scritas an Mirandês i no an Castelhano cum nal sou peis !

Pur fabor cumçai ha fazer cousas pur'ende purque nela scola yê bien guapo, mas la giente sterior a Miranda nun bai a la scola ! Eilhes quieran ber cousas diferentes, cousas de la nuôssa lhiêngua !

I quei ? Se los comerciantes quemeçan ha screbir an Mirandês pues inda ban ha 'trair mas giente i curiosos !

Mas anton, los comerciantes TENEN de ser anformados, al Mirandês nun yê assi tan deficel i tenen dal screbir ! La camara ten de trabalhar nesse sentido !

Se no, quien baia a Miranda dira i cuntinuara dezindo cum se bei ne l'Anterneta : "I went to Miranda, but Mirandêse didn't heard about it !"

Talbeç al miu comentario nun ten nada ha ber cun la nuôba d'hoije, mas tenie de dizer isso... que ya stou farto !


Comentar post


Saber neste blog
 
Dezembro 2007
Dom
Seg
Ter
Qua
Qui
Sex
Sab

1

2
3
4
5
6
7
8

9
10
11
13
14
15

17
18
19
20
21
22

23
24
25
26
27
28
29

30
31


Últimos posts

Outro blogue

L sabor de las palabras

L cura i la criada

L nino Jasus de la Cartol...

L problema de las lhéngua...

L sermon (ua cunta)

Alguas nomeadas

Quadras populares

Folhetos

L populismo i l pobo

Arquibos

Dezembro 2007

Novembro 2007

Outubro 2007

Setembro 2007

Agosto 2007

Julho 2007

Junho 2007

Maio 2007

Abril 2007

Março 2007

Fevereiro 2007

Fazer olhinhos
blogs SAPO
subscrever feeds